مابي منكم الا المشوره بس شورو علي بس^_^
السلام عليكم ورحمة الله وبركاته
حي الله كل مبتعث ومبتعثه
الوطن اشتاقلكم ^_^
اسال الله لعلي لقدير ان يحفظكم ويسهل اموركم ويرزقكم من حيث لا تحتسبو
واسال الله الكريم المنان ان ينظم للبعثه كل من يحتاجها
اخواني اخواتي
اخوكم احمد المطيري 31 سنه متزوج وحلو ^_^
موظف شركة سابك (مشغل)
مديون بـ 220 الف قروض<<<ناوي اخلي اخوي ياخذ قرض ويسددها
خريج كلية تقنيه تخصص قوى كهربائيه معدل 3.9 من 5
لي شهر وانا افكر في اكمال الدراسه
والفكر اتعبني واشغلت بالي
في جيت اسال اهل لخبره واستشيركم لعل الله ان يهديني للطريق الصواب والخير
هل الدراسه بالخرج تستاهل اني اترك وظيفتي واطلع ادرس
هل بعد التخرج الفرص الوظيفيه كثيره؟
ماهي انسب الدول للدراسه؟ امريكا بريطانيا استراليا نيوزلندا ...الخ
هل انظم للبعثه بسهوله؟؟وهل الانظمام من خلال التعليم العالي ام الموسسه العامه؟؟
شورو علي الله يجزاكم الفردوس الاعلى
في امان الله
رد: مابي منكم الا المشوره بس شورو علي بس^_^
حياك الله اخوي ..
بأحاول اختصر لك قد ما أقدر .. اذا راتبك كويس لا تطلع
وبالنسبه للانضمام مش سهل .. اول كان سهل .. بس حاليا لازم تكون مخلص اللغه وجايب قبول جامعه .. أول عالاقل يكون لك كم شهر بأمريكا عشان ينظر في أمرك
وانا اشوف انك شخص مديون وممكن سفرك يحط على ظهرك دين اخر وعلى شي مش اكيد لانك ممكن تجي ولا يضمونك وساعتها تندم
لكن اذا ودك مره بالابتعاث انا اقول لك خلص اللغه بالسعوديه واختبر الايلتس بالسعوديه .. وقدم على الجامعات وجيب قبول وتعال امريكا واحسب في بالك ميزانيه شهرين عالاقل واول ماتوصل روح للملحقيه وقول لهم ان امورك تمام وراح تبدء دراستك واتمنى يضمونك وقتها وما يطلعون بقرار جديد ان لازم تخلص التسع ساعات حقت الماجستير .. مثل ما هالسنه شددوا كثير على اللغه وما مشوا الطلاب الا اللي لهم فتره بأمريكا
# اتمنى اكون افدتك والله يسخر لك الخير ويختار لك الصالح
رد: مابي منكم الا المشوره بس شورو علي بس^_^
حياك الله اختي Mima
الله يجزاك خير على اهدائي القليل من وقتك الثمين والرد علي
انا ابي اكمل الدبلوم واخذ هندسه
سابك كررررررررف اذا ما عندك هندسه
وانا احس مكاني انجنير ماهو مشغل
انا ابي اتحمل الديون وادبر 120 الف ريال<<اتوقع تكفي لمدة سنه
لكن استفساراتي فوق هل لها اجوبه؟؟
في امان الله
رد: مابي منكم الا المشوره بس شورو علي بس^_^
أخوي احمد الله يرزقك ما تسد فيه دينك و زيادهـ ...
بالنسبه للاستفسارات السابق ذكرها فوق ما ودي اتفلسف عليك لأنك عود وأكبر مني وأفهم لكن بس ما يمنع اني اهذي شوي عن نفسي اني فيلسوف ...
المهم بالنسبه لوظيفتك بسابك يمكن تكون كرف و قلق و.... الخ لكن يقول المثل خليك على قردك لا يجيك الي اقرد منه وتركم انت والاعضاء من شلة القرود اللي حاطها ...
لأن موضوع الهندسه الكهربائيه كنت مع واحد الاسبوع اللي راح عندهـ قبول هندسة كهربائيه والرجال ابوهـ دق عليه وقاله عمك اللي شغال بارامكو يقول غير تخصصك الهندسه الكهربائيه فيها اكتفاء
ووظايفها صعبه في المستقبل هذا اللي قالي عليه الاخ ولا ادري صدقه من كذبه بس يمكن تفيدك المعلومه هذي ...
لذلك انا اقولك خلك ع اللي انت فيه لا تجي تتمرمط سنين الله واخرتها ما تلقى وظيفه لا قدر الله او ترجع على وظيفتك نفسها وقتها بتصتغر الوظيفه بعينك بعد ما صرت مهندس ...
اما اذا لك رغبة تكمل هندسة اخرى وعندك المقدره تتحمل المصاريف والكرف حق الغربه الله يقلعها وعاقد العزم ع الشهاده فاعقلها وتوكل بس حط فبالك الالحاق صعب اللحين ماهو زي اول هو يجي الالحاق
بس المده ما تقل عن سته شهور ويمكن تزيد لحد السنه او السنه ونص اذا تقدر توكل ....
وأخيرا عليك بالاستخارهـ والخيرهـ فيما اختاره الله ...
هذا وأنا ما ابي اتفلسف كذا <<< ماشالله علي
رد: مابي منكم الا المشوره بس شورو علي بس^_^
الله يجزاك خير
ما قصرت والله استفدت منك كثير
والله يضمك للبعثه في اقرب وقت
......
انا باخذ ديون واطلع اكمل دراستي ..لكن ماادري هل اقدر اغير الخصص مع معادلة شهادتي ^_^
في امان الله
رد: مابي منكم الا المشوره بس شورو علي بس^_^
رد: مابي منكم الا المشوره بس شورو علي بس^_^
الهوم سك
^ نذكر الكلمه هذي اذا درست برا :p
ابي اندووووومي البيضاء تهي تهي :(
رد: مابي منكم الا المشوره بس شورو علي بس^_^
اقتباس:
المشاركة الأصلية كتبت بواسطة spider_300
الهوم سك
^ نذكر الكلمه هذي اذا درست برا :p
ابي اندووووومي البيضاء تهي تهي :(
ما فهمتك ^_^
وش تقصد؟؟
رد: مابي منكم الا المشوره بس شورو علي بس^_^
رد: مابي منكم الا المشوره بس شورو علي بس^_^
وعليكم السلام
اخي المطيري
متزوج وعليك دين وتريد ترك الوظيفة وتثقل كاهل اخيك بالقرض فنصيحتي لك بأن تستمر في وظيفتك وانصحك للمرة الالف لاتترك وظيفتك
تذّكر...انا اريد وانت تريد والله يفعل مايريد
تذكّر...وعسي ان تكرهوا شيئا وهو خير لكم
اكيد لديك اطفال
هل لديك دخل اخر من عمارة مثلا لو تركت الوظيفة ؟؟؟؟؟؟؟؟؟
الوظيفة لايحصل عليها انسان يملك ماستر بالنظام
ولكن يحصل عليها راعي متوسطة او ثانوي بالواسطة ...وهو واقعنا وعلينا ان نعترف به .
رد: مابي منكم الا المشوره بس شورو علي بس^_^
اقتباس:
المشاركة الأصلية كتبت بواسطة غريب في الدنيا
وعليكم السلام
اخي المطيري
متزوج وعليك دين وتريد ترك الوظيفة وتثقل كاهل اخيك بالقرض فنصيحتي لك بأن تستمر في وظيفتك وانصحك للمرة الالف لاتترك وظيفتك
تذّكر...انا اريد وانت تريد والله يفعل مايريد
تذكّر...وعسي ان تكرهوا شيئا وهو خير لكم
اكيد لديك اطفال
هل لديك دخل اخر من عمارة مثلا لو تركت الوظيفة ؟؟؟؟؟؟؟؟؟
الوظيفة لايحصل عليها انسان يملك ماستر بالنظام
ولكن يحصل عليها راعي متوسطة او ثانوي بالواسطة ...وهو واقعنا وعلينا ان نعترف به .
صدقت
لكن من طلب العلا سهر اليالي
وانا هنا ستشيركم واخذ واعطي معاكم لحد ما اقرر
صح ان الوظايف حاليا تبي ايدي عامله ما تبي شهادات عليا
لكن انا ابي هندسه بس حتى لو ارجع لنفس وظيفتي
والديون بكره ارجع واسددها بقرض ثاني اكبر ^_^
على الاقل يكون راتبي التقاعدي اكبر
الله يجزاك خير على وقتك سلمت اناملك
رد: مابي منكم الا المشوره بس شورو علي بس^_^
اقتباس:
المشاركة الأصلية كتبت بواسطة أحــمــد المطيري
صدقت
لكن من طلب العلا سهر اليالي
وانا هنا ستشيركم واخذ واعطي معاكم لحد ما اقرر
صح ان الوظايف حاليا تبي ايدي عامله ما تبي شهادات عليا
لكن انا ابي هندسه بس حتى لو ارجع لنفس وظيفتي
والديون بكره ارجع واسددها بقرض ثاني اكبر ^_^
على الاقل يكون راتبي التقاعدي اكبر
الله يجزاك خير على وقتك سلمت اناملك
انا معك في ماقلته
ولا اريد ان احطمك ولكن الحقيقة احيانا تكون مرة
سوف ابسط الامر
درسنا الموضوع اي موضوعك وخططت للموضوع علي اساس تسير الامور طبيعية اي نظامية وبدون تدخل خارجي واقصد بالتدخل الخارجي ( قد يكون من العمل شخص ما تثق فيه او خارج العمل وقال توكل علي الله وما عليك وظيفتك عندي بعد ماتنتهي من دراستك وابشر ومن ها الكلام ) فالنتيجة الحتمية 30% ايجابي وهو انك اصبحت مهندس لكن 70% سلبي .........جيت لمن وعدوك وانت فرح ومطمئن وجاك الجواب من خويك والله المدير حجزها لولده او احد اقاربه ...........حينها لاينفع الندم............اردت ان اصحيك والحياة تجارب ...........
رد: مابي منكم الا المشوره بس شورو علي بس^_^
استخير قبل ان تقدم على اي شيء..اسمع نصيحة مجرب
صديق لي مر بظروف مقاربه لظروفك..تخرج بالدبلوم وحصل على وظيفه بشركة سابك براتب حول العشره...لكنه فضل اكمال دراسة البكالوريس بأمريكا على الوظيفه بعد ان استشار واستخار...
لكن الفرق هو عمره 23 وانت 31..هو اعزب وأنت متزوج..هو ليس لديه ديون وانت لديك ديون ليست بسيطه...هو حالته الماديه متوسطه او فوق المتوسطه ولا أعلم عن حالتك الماديه....
اتوقع انك عرفت رأيي بالموضوع من ردي...والله الموفق
رد: مابي منكم الا المشوره بس شورو علي بس^_^
الله يوفقك
اخوي انا مسوي زيك بالظبط
وموعدي في السفاره الاسبوع الجاي
وهندسه ميكانيكيه
والله يزين الاموووور
رد: مابي منكم الا المشوره بس شورو علي بس^_^
انا بعطيك اللي عندي وانت ابخص ..
اول شي فيه طريقة .. ودايم الاطباء النفسيين يسسونها ..
جب لك ورقة وقلم ..
حط جدولين ..
السلبيات الإيجابيات ..
وشف الفرق واجلس عليها بمخ مروّق مع شاهي وفاضي وبدون اي شي يشغل بالك وبروقان ..
الشي الثاني ..
الإبتعاث صار اصعب الحين .. يعني مايضمون اي واحد .. وبعدين يالله تدخل الجامعه ويضمونك .. فـ انصحك تاخذ الانجليزي بالسعودية وتجيب الدرجة اللي تدخلك الجامعة .. علشان تجي وتدخل الجامعة ..
الغربة شينه شينه شينه .. يعني راح تجيك ايام ضيقة صدر وخاصة ان معك اهلك فـ تتكفل فيهم وكذا .. المعيشة غالية بشكل .. ويعتمد على حسب المدينة .. لكن غالبيته غالية .. وماراح يكفي معك شي نهاية الشهر .. فـ انت منتب ناقص وجع راس ..
هل انت بتصبر لسنوات قدام ؟ لين تتخرج وهل تضمن الوظيفة ؟ الوظائف الآيام ذي يبي لها واسطة حتى لو تخصصك كويس ..
الشي الثالث إذا اصريت على الابتعاث دور اكثر جامعة تعادل لك ساعات الدبلوم .. مثل Northern Kentucky University تعادل دبلوم كلية الجبيل وينبع
الشي الرابع .. الوظيفة ترا مب كل شي ناس وظايفهم تدخل اشياء خفيفه .. بس مشتغلين بالتجارة .. حاول تشوف وضعك بالتجارة ترا افضل من الوظيفة مليون مره .. وماتدري يمكن تشوف رزقك هناك .. وتتيسر امورك افضل مليون مره من الغربة ..
استخر .. استخر .. استخر استخر .. وفكر مليون مره ولاتخلي احد ماسألته ..
الله يوفقك عموما .. وانا اقترح عليك شل الفكرة من راسك .. والله يسهل امرك ..
والواحد شوي شوي يصعد لفوق ..
وفكر بالانتساب وانت في وظيفتك ..
الله يسهل عليك وعلينا ..
رد: مابي منكم الا المشوره بس شورو علي بس^_^
احمممد تكفى طلبتك لاتغلط غلطت حياتك والله انت موب صغير عشان اذا صار لك اي شي تقدر تعوض اللي راح منك والله سابك وبدبلوم والله حلوه يعني راتبك يحوش العشره مالك ومال الشحططه انا كنت بشركة جسكو وطلعت وجيت هنا وهذاني ضاعت فلوسي ولا جاني انضمام مدري وش الدبره
رد: مابي منكم الا المشوره بس شورو علي بس^_^
استخر ربك .. ودعاء الوالدين خلهم يدعون لك
والله يكتب لك الخيرة الطيبة يارب .. ولنا
رد: مابي منكم الا المشوره بس شورو علي بس^_^
شوف الانضمام للحين شغال
والشباب هالايام ينضمون بكثرة
بس المشكلة يبغالك تختار الوقت المناسب عشان تجي
والدول الأفضل في الانضمام امريكا في المرتبة الاولى يليها كندا
قبل القدوم لأمريكا لازم يكون عندك قبول جامعي لاتجي الا وانت معك قبول
لان من شروط الانضما قبول في تخصص غير موقوف
غير كذا احسب حسابك من يبيلك تقريبا من 6 الى 8 شهور عشان تنضم ان شاء الله
وماعمري سمعت احد جلس اكثر من 8 شهور في امريكا ما انضم الا اذا كان مافتح ملف
او ماكمل الاوراق المطلوبة وهذا يعتبر خطاه ويتحملة
اذا كان عندك المادة اللي تكفيك للمده هذي اقولك تعال وفالك البعثة ان شاء الله
السالفة يبيلها مغامرة لانك قبل تجي عارف النظام انهاء اللغة و30 ساعه في البكالوريوس
بس كل فترة يجي قرار ويضمون الطلاب في جلسات
ويمكن بين يوم وليلة يطلع قرار بعدم ضم اي طالب قبل انهاء اللغة والـ 30 ساعة
وانت قبل شي استخير الله سبحانة وتعالى واللي يرتاح له قلبك توكل على الله وسوة